35mm

Zinegoak 2007

2007-01-20T17:14:00.000+01:00

Astelehenean, hilaren 22an emango zaio hasiera Bilboko Gay-Lesbo-Trans Nazioarteko Zinemaldiari. Zinegoak-en aurtengo edizioan, aurrekoan baino bost film gehiago proiektatuko dituzte, proiekzio-areto gehiago izango dira (Capitol zinema-aretoaz eta Bilborockez gain, Fnacen ere izango dira ikusgai lanak) eta iaz baino egun bat gehiagoko iraupena izango du. Ohorezko saria, Rosa Maria Sardá aktoresari emango diote aurtengo ekitaldian, antolatzaileek,homosexualak, gay-ak edo transexualak laguntzen dituen ama bezala ikusten dutelako eta gay taldearekin lotutako filmetan parte hartu duelako. Bestalde, Eduardo Men dicutti idazleak ere parte hartuko du Zinegoak jaialdian. Eloy de la Iglesia hildako zuzendariaren omenezko zikloa aurkeztuko du Mendicuttik; ziklo horretan, de la Iglesiaren lau pelikula eskainiko dituzte. Jaialdia, urtarrilaren 22tik, 27ra bitartean luzatuko da.

Rocky Balboa

2007-01-15T19:09:00.000+01:00

Joan den ostiralean, hilaren 12an estreinatu zen Espainian Rocky boxeolari mitikoari buruzko azken filma. Seigarren ale honetan, gainerakoen ildoa jarraituz, Sylveter Stallone aktore, gidoilari eta zuzendaria dugu protagonista, honekin batera, Burt Young, Geraldine Hughes, Milo Ventimiglia eta Antonio Tarver aktoreek hartu dute parte film berrian. Boxeolari enblematiko baten istorioa kontatzen du, ezer izatetik pisu astunen munduko txapeldun izatera heltzen den boxeolari batena, hain zuzen. 100 milioi dolar baino gehiagoko irabaziak lortu zituzten Rockyren bizitzari buruzko lehen lau filmek. Hala ere, bosgarren atalak ez zuen hainbesteko arrakasta izan, eta 40 milioi dolar bildu zituen. Film berriak, aldiz, 50 milioi dolar inguru bildu ditu dagoeneko AEBetan. Horretaz gain, Rocky I. pelikulak bi Oscar lortu zituen 1977. urtean, Zuzendari Onenaren eta Film Onenaren Oscar sariak, hain zuzen. Oraingoz behintzat kritika ezinhobeak jaso ditu sagako azken lan honek.

"Piratas del Caribe 3" filmaren poster berriak

2007-01-15T16:09:00.000+01:00

Aurtengo filmerik ikusienetakoa izateko bidean dago dituen aurrekariak direla eta. Jada kaleratu dira “Pirates of te Caribbean: At Worlds End” edota laburrago esateko “Piratas del Caribe 3” filmaren poster berriak. Postprodukzio fasean dago orain eta Gore Verbinski izan da zuzendaria beste behin ere.

Estatu Batuetan datorren maiatzaren 25ean estreinatuko da. Johnny Depp, Orlando Bloom eta Keira Knightley izango dira protagonistak sagako emanaldi berri honetan. Hala ere, pertsonai berriak ikusteko aukera izango dugu. Zine orientalaren gorakada aprobetxaturik Yun-Fat Chow izar asiatikoaren presentzia izango du filmak. Zurrumurruak diotenez laugarren film batek ere lekua izan dezake, baina oraindik ikusteko dago, izan ere bigarren atalak oso kritika txarrak jaso zituen.

Blood Diamond

2007-01-14T23:39:00.000+01:00

Ba al zenekien 4 milioi pertsona baino gehiago hil dituztela diamanteak aurkitzeko guda zikinean? 2005ean diamanteen industriak 60 bilioi dolare baino gehiagoko mozkinak izan dituela? Diamanteak erosten dituzten %100ak ez dakiela nola eta non lortzen diren harribitxi horiek? Ba al zenekien oparitutako edozein eraztun egiteko bizi bat baino gehiago galdu zela atzamar baten egotea posible izateko? Hauxe da Blood Diamond filmean ikusi daitekeena.
Edward Zwick zuzendariak filmeak bizitzan merezi duten gauza guztiak erakusten dituela esan du. Batzuentzat filme politikoa izango da, beste batzuentzat, ordea, zine aretoak bete nahi dituen filme soila. Baina filme honen benetako indarra diamante baten bilaketan obsesionatuta dagoen gizona eta bere semea bilatzen ari den bestearen justaposizioan dago. Bi gai hauek dira filmearen bihotzean agertzen diren bi istorioak.
1990ko Sierra Leonako gerra zibilean kokatuta dagoen kontakizuna da Blood Diamond-en kontatzen dena. Djimon Hounsou, Jennifer Connelly eta Leonardo DiCaprio dira zinta honetako pertsonai nagusienak.
Urtarrilaren 26an estreinatuko da gure zine aretoetan.

Notodofilmfest

2007-01-14T20:58:00.000+01:00

Laburmetraien sukarra gero eta handiagoa bilakatzen ari da, jaialdi eta lehiaketak ere ugaltzen ari diren heinean. Medina del Campo, Zinebi, Malaga, Gijón, Almeria, Fotogramas en Corto... hainbat. Aurten NoTodoFilmFest-en 5. edizioa ospatzen da. On-line ospatzen den laburmetraien lehiaketa dugu Notodofilmfest eta pasa den urtarrilaren 10 ean amaitu zen laburmetraiak bidaltzeko epea. Lehiaketa honetan bi alde daude, eta baita ere bi sari ezberdin. Gura den beste lan bidali daitezke, baina ezin dira 3 minutu t’erdi baino luzeagoak eta Triple Destilación saria lortzeko aldiz, lanaren iraupena ezin daiteke 30 segundotakoa baino gehiago izan. Sariak nahiko dirutsuak dira eta 30 segunduko laburmetrailen saileko sarietako bat New York Film Academy-k Manhattan-en egiten duen aste beteko kurtsora dohainik joatea da.
Notodofilmfest-en Nacho Vigalondo, Daniel Sánchez Arevalo... eta gero sarituak eta ezagunak bilakatu diren hainbatek parte hartu dute. Epaimahaitik ere hainbat famatu igaro dira, hala nola, Alejandro Amenábar, Julio Medem, Guillermo del Toro, Alex de la Iglesia edo Isabel Coixet.

Harribolas Films-en txanda heldu da orain, Instrucciones para que el silencio sea incómodo, azken laburmetraia, lehiaketa honetan aurkeztuko dute.

Oscar sarietarako laburmetrai aurre-aukeratuak

2007-01-09T22:17:00.000+01:00

Laburmetrai euskaldun bat eta espainiar bat Oscar sarietarako hamar aurre-aukeratuen artean daude. Lehena Borja Cobeagaren ‘Eramos pocos’ da. Honetan famili bateko aita –semearen ezintasuna islatzen da amak etxetik alde egin eta bakarrik uzten dituenean. Etxeko lanak egitea saihesteko, zaharren egoitzan ingresatutako amona bertatik ateratzea erabakitzen dute eta etxera eramaten dute. Laburmetraiaren iraupena hamabost minututakoa da.

Bestea ‘Binta y la gran idea’ deiturikoa Javier Fesser-ena da eta ‘En el mundo a cada rato’ filmaren parte da. Honetan Patricia Ferreira (‘El secreto mejor guardado’), Pere Joan Ventura (‘La vida efímera’), Chus Gutiérrez (‘Las siete alcantarillas’) eta Javier Corcuera-ren (‘Hijas de Belén’) lana barne dago eta 2005ean estreinatu zen. Fesser-en laburmetraia Senegalen errodatu zen, UNICEFen laguntzarekin. Zazpi urteko Bintaren istorioa kontatzen du, zeinek antzerki lan bat aurrera eramaten du lehengusinaren nahia (eskolara joan ahal izatea) ezagutarazteko. Laburmetraiaren iraupena hogeita hamar minututakoa da.

Bi produkzioak fikziozko laburmetrai hoberenaren aurre-aukeratuen artean daude Oscar sarien 79. edizio honetan. ‘While the Widow is Away’, ‘The Trojan Cow’, ‘Chiyo’, ‘Helmer & Son’, ‘Lucky’, ‘The Saviour’, ‘Vagabond Shoes’ eta ‘West Bank Story’ laburmetraiek osatzen dute zerrenda.

Jarraian 'Eramos pocos' laburmetraia ikus daiteke bere osotasunean:

Tom Hanks da takillarako aktorerik erakargarriena

2007-01-05T16:11:00.000+01:00

Gezurra dirudien arren, Estatu Batuetan Gallup-ek aurrera eramandako ikerketa baten arabera Sandra Bullock eta Angelina Jolie aktoresen artean Bullock-ek erakargarritasun handiagoa du ikusleen artean.

Gauzak horrela Tom Hanks pantaila handiaren errege proklamatu dute, izan ere inkestatutakoen %44a joan litzateke aktoreak protagonizatutako filme bat ikustera. Jarraian Robert De Niro (%33), Julia Roberts (%29), Will Smith eta Sandra Bullock (biak %27) eta Mel Gibson (%26). Inkestaren arabera ikuslegoa gehien urrunarazten duen aktorea Tom Cruise da, inkestatuen %34ak sahiestuko luke bere filme bat ikustea.

2006ko filmerik arrakastatsuenak

2007-01-02T14:39:00.000+01:00

Piratas del Caribe eta El Codigo Da Vinci izan dira joan den urteko filmerik arrakastatsuenak Espainiar Estatuan. Atzetik geratu dira Ice Age2, Alatriste, Volver edota El laberinto del fauno besteak beste.

Jack Sparrow kapitainaren abentura berriak abuztuan heldu ziren zinema aretoetara. Piratas del Caribe: el cofre del hombre muerto pelikulan "Flying Dutchman" itsasontzi fantasmako kapitainarekin zuen zorrari aurre egin behar zion Sparrow-k. AEBetan arrakasta handia izan zuen, estreinatu zen asteburuan bertan beste pelikulek baino diru gehiago bildu baitzuen.

El Codigo Da Vinci filmari dagokionez, zinema adituen susmo guztiak bete zituen. Dan Brown idazle iparramerikarraren liburuan oinarrituta dago pelikula hau.

Elizaren kritikak jaso zituen arren, arrakasta handia izan du, 40 milioi ale baino gehiago saldu baitituzte mundu osoan. Robert Langdon sinbologian adituaren papera egin du Tom Hanksek. Liburuan bezala, Louvre Museoko zuzendariaren heriotzarekin hasiko da istorioa eta Langdonek, Sophie Neveaurekin batera, hilketa horren arrazoiak argitu beharko ditu.

Espainiar Estatuan bertan ezkoiztutako filmeek ere zeresan handia eman dute urtearen bukaeran. Goya sarietarako hautatuak izateaz gain, atzerriko zenbait zine festibaletan izugarrizko arrakasta lortu izan baitute, Volver, Alatriste, Salvador edota El laberinto del fauno bezalako produkzioek.

Von Trier kodigoa

2007-01-02T13:11:00.000+01:00

30.000 koroa (4.000 euro inguru) eta Anticristo, bere beldurrezko lehen filman figurante bezala paper bat. Hau da Lars Von Trier zuzendariak eskaintzen duen saria The Boss of it All filmean ezkutatutako enigma dezifratzeko gai denarentzat. Komedia honekin, zuzendariak desafio berri bat lortu du, Dogma mugimendu iraultzailea beste genero batzuetara hedatzea lortu baitu.

Ikusleak adi egon beharko dira filman agertuko diren lookey-ak (ingelesetik look for the key) nabaritzeko. Deskontestualizatutako elementuak dira, filmean agertzen den gainerakoarekin zerikusirik izan ez arren elkarrekin mezu ezkutu bat eratzen dutenak. Von Trier-ek esandakoaren arabera, lookey-ak perturbasio bisuala dirudite, iniziatuta ez daudenentzat akats bat dirudiena.

Zuzendariak eskola sortu nahi duela eta edozein egile zinematografikorentzat lookey kontzeptua eskura jarriko duela esan du. Baldintza bakarra jarriko du, filme bakoitzak bost eta zazpiren arteko pista kopurua edukitzea.

The Dreamers, benetako Bertolucci

2006-12-29T16:13:00.000+01:00

"Soñadores" da Bernardo Bertoluccik 2003an aurkeztu zuen bere azken filmea. Bertolucciren filmeak arinagotik ikusi dutenek hemen erabateko Bertolucci ezagutuko dute, eta lehen beren lehen aldia dutenentzat, ordea, istorioak kontatzeko duen moduaz eta erabiltzen duen estetikaz maiteminduko da.
Isabelle (Eva Green) eta bere neba bikia Theo (Louis Garrel) bakarrik geratzen dira Parisen beren gurasoak oporretan doazen bitartean. Horrela ba, ezagutu berri duten ikasle amerikar bat gonbidatzen dute beren etxera hilabete hori pasatzera, Matthew (Michael Pitt). Hautamen askeari gogor lotuta, elkarrekin esperimentatzen dute beren emozioak eta sexualitatea, geroz eta zurgatzaileagoak izango diren joku psikologikoak gauzatuz.
68ko udaberrian eman ziren iskanbilen erdian garatzen den autoesplorazio istorioa dugu The Dreamers. Udaberri horretan, Europako hiri askotan gazteen ahotsa entzunarazi zen. Hiru gazteak elkar frogatzen dira muga zein den ezagutzeko asmotan. Zinea pixka bat gustatzen zaienei eta batez ere, zinefiloei pila bat gustatuko zaie filmea, identifikatuta sentituko dira beste hainbat pelikulei egiten dien erreferentziengatik batez ere. Gazteak direnak edo garai hori bizi izan dutenak ere identifikatuta sentituko dira hiru gazte ameslari eta askatasun bilatzaileekin.

Sunflower, fantasiatik ezabatutako pertsonaia

2006-12-28T12:05:00.000+01:00

Bitxia suertatzen da Fantasia filmeak pilatutako zaletu guztiak. Bitxiak dira ere berean, urteen poderioz, filmeari buruz ezagutzen ditugun berezitasun eta kuriositateak.

'Sinfonia pastoral' pasartearen muntaia originalean, non Beethovenen musika zentauroak eta bestelako animalia mitoligikoek basoan egindako jaialdi batekin nahasten zen, Sunflower ageri zen fotogrametako batean. Kolorezko zentauroa beste zentauro bati ari zitzaion manikura egiten. Garai hartako (40. hamarkada) inplikazio arrasiztak kontutan hartuz pertsonaia hau muntaia finaletik ezabatu zuten.

Hala ere, filmearen bertsio berrietan ageri da, berari dagokion tokian hain zuzen ere. Disney-k Sunflower-en existentzia ukatu duen arren, argi dago pertsonaia marraztu zela, argazkian ikus daitekeen bezala. Zer nolako zifra eskuratuko luke fotogramak eBay-en enkantean jarriz gero? Soilik Disney-en jarraitzaile amorratuentzako.

Goya sariak inoiz baino lehiakorrago

2006-12-27T11:54:00.000+01:00

Urtero bezala, abenduan ematen dira ezagutara hurrengo urtean Goya sarietan lehiatuko duten pelikulen zerrenda. Alatriste, Volver, El Laberinto del Fauno eta Salvador filmek 15, 14, 13 eta 11 izendapen jaso dituzte, hurrenez hurren, Goya sarietan lehiatzeko. Guztiak jaso izan dute estreinaldietan ikusentzulegoaren aldeko esker ona, beraz aurtengo edizioa inoiz baino lehiakorragoa izango da inolako duda gabe. Euskal Herrira bueltatuz, hiru donostiar ditugu ikusmiran, Alberto Iglesiasek batetik,Goya saria irabaz dezake Volver filmarentzat egin duen soinu bandarengatik. Marta Etura bestalde, aktoresa onenaren Goya saria irabazteko hautagai da Azuloscurocasinegro pelikulan egindako lanagatik eta Luiso Berdejo ere izendatua izan da La Guerra laburmetraiarengatik.

'The pursuit of happiness' lehen postuan

2006-12-19T13:30:00.000+01:00

'The pursuit of happiness' filma lehen postuan kokatu da amerikar takilan. Gabriele Muccino zuzendari italiarrak arrakasta lortu du AEB-tan film honi esker. Estreinaldiaren lehen asteburuan 27 miloi dolarreko diru bilketa egitea lortu du, Eragon (23,45 miloi) edo Charlotte’s web (12 miloi) bezalako filmak, gabonetan ohikoak izaten direnak, garaituz.

Filma egiazko gertakari batetan oinarrituta dago, semea aurrera atera nahian dabilen eskale baten istorioa kontatzen du. Lehen begi-kolpean edozein gidoi bezalakoa dirudien arren, zuzendari europarrak amerikar ametsari ematen dion ikuspuntua interesgarria izango delakoan nago.

Oraingoz, Will Smith, protagonista nagusiak, Urrezko Globoetan aktore hoberenaren izendapena lortu duela dakigu. Hori dela eta, oso posible litzateke Oscar sarietarako hautagai izatea.

La educacion de las hadas

2006-12-18T15:59:00.000+01:00

7 urte luze bere ibilbide profesionaletik at igaro ondoren, indarberrituta etorri zaigu José Luis Cuerda zinema zuzendaria ““La educación de las hadas” bere azken filmarekin. Didier Van Cauwelaert idazle frantziarraren elaberri entzutetsuenaren moldaketa ezinhobea da, sinbolismo eta metafora Platonianoez josia. Aktoreen zerrendan, Ricardo Darín, Irene Jacob, Víctor Valdivia eta Bebe abeslari ezaguna ditugu. Itxaropena eta emakume bakoitzak bere baitan gordetzen duen nolabaiteko magia hura irudikatzen du sentipen gisa filme bikain honek.
Ondoren, trailerra duzue ikusgai.

Ocean's Thirteen-en kartela

2006-12-18T11:30:00.000+01:00

Orain dela gutxi, Ocean's eleven filmeko hirugarren partearen lehen argazkiak irten ziren. Ocean's thirteen filmearen kartelari ordua heldu zaio. Ezin da ukatu hiru filmeek originaltasun kutsu handia izan dutela. Hala ere, posterra arretaz aztertu ondoren hamabi pertsonaia baino ez daudela ikus daiteke. Seguruenik hamahirugarren pertsonaia Ellen Barkin izango da. Zurrumurruek diotenez Matt Damon aktorearen ama interpretatuko luke filme berri honetan.

Marie Antoinette

2006-12-16T15:30:00.000+01:00

2007ko urtarrilaren lehenengo astean estreinatuko da Sofia Coppola-ren azken lana, “Maria Antonieta”. Zuzendari onenari oscarra eramateko nominatuta egon zen eta gidoigile moduan irabazi zuen Francis Ford Coppola zuzendari handiaren alabak XVIII. mendeko histori kontenporaneo bat kontatzen digu filmean.
Maria Antonieta sarritan izan da kalumniatua eraman zuen bizitzagatik, jaidura handiaz ere eztabaidatu da bere bizia, baina guzti honen gainetik, gazte ulertu gabea izan da. Sofia Coppolaren ikuspegiaz ez dugu doilor baten moduan edo ikono jaunkotiar bezala ikusiko, gainbeherako eta mundu arrotz batean preso dagoen nerabe bakarti eta nahastu bat moduan baino.
Zuzendariaren lehenengo filmean protagonista izan zen Kirsten Dunst izango da Maria Antonieta Frantziako erregina nerabea, eta Jason Schwartzman Sofiaren lehengusua, aldiz, Luis XVI.a erregea.
Lost in Translation filmearen zuzendariak ez du nahi izan garaiko pelikula huts eta sinple bat egin. Horretarako, ateetatik barrura eta ezagutako bizitzatik aparte Maria Antonietaren, Frantziako tronora eta Versaileseko mundu aldrebesatura nerabe moduan heldu zenaren, istorioa gaur eguneko ikuspegitik kontatzen du.
Filme klasikoa izateko, kritika eta ikuslegoa gehien harritu duena Coppolak erabili duen musika izan da. The Cure, New Order edo The Strokes bezalako taldeen abestiak entzun daitezke ikuspegi garaikidea duen filme klasikoan. Maria Antonieta oso ondo errodatuta dagoen bi orduko filmea da. Txanpaina, harribitxiak, maitasuna, desleialtasunak, interesak, ohore eta desohore, politika, gahinbehera, bekaizkeria eta azkenetan ikara agertzen diren bi ordu. Film bikaina horraitio!

United 93, urteko film onena

2006-12-13T19:23:00.000+01:00

United 93, irailaren 11ko atentatuen inguruko produkzioak, urteko filmerik onenaren saria jasoko du New York hiriko kritikoen eskuetatik. Paul Greengrass zinema zuzendari estatubatuarra izan da 2001.urtean gertatutakoak pantailaratzen ausartu den lehena. Zinema izarrik gabe egin nahi izan du Greengrassek pelikula hau. Aktore lanetan jardun dutenetako batzuk, gainera, ez dira profesionalak, egun hartan hildakoen lankideak edo gertakizunak gertutik bizi izan zituztenak baizik. Urtarrilaren 7an ospatuko da sari banaketa Manhattanen.

Quinceañera

2006-12-13T14:03:00.000+01:00

Quinceañera ostiral honetan estreinatuko den film Estatu Batuarra da. Azkenaldian, zine independenteko erakusleiho modura Sundance-eko zinemaldia debaluatuta agertu arren, aipatzekoa da epaimahaiaren eta publikoaren sari handiak jaso zituela bertan.

Herrialde amerikarrean bizi den familia latindarren bizimodua irudikatzen du filmak. Los Angeles-eko Echo Park auzunean bizi den neskatoak hamabost urte bete behar ditu, familia hispaniarrek jai ikaragarria prestatzen dute horrelakoetan. Haurtzaroa atzean utzi eta heldutasuna ezagutuko duela suposatzen da.

Magdalenak, soilik hiru gauza dauzka buruan: bere mutil-laguna, ospakizunean eramango duen soinekoa eta aitak alokatuko dion limusina. Baina gauzak okertu egiten zaizkio haurdun dagoela ohartzen denean. Artzain ebanjelista den aitak etxetik botako du eta bere osaba eta lehengusu homosexualarekin biziko da hortik aurrera.

Iraganeko tradizioan ainguratuta dirudien giza talde baten ispilu bezala agertzen zaigu filma. Arrazakeriak, klasismoak eta sexuak nerabe latindarretan duen eragina aztertuz, bizirauteko ezinbestez moldatu behar izan duen komunitatea islatzen du. Gogoan ditugu Las mujeres de verdad tienen curvas bezalako filmak ere.

Trailerra honako orrialdean ikusgai.

The Holiday

2006-12-11T17:01:00.000+01:00

Urtero legez, eguberri garaian estreinatzen den komedia erromantiko klasikoa dugu The Holiday filma. Nancy Meyers estatubatuarra izan da zuzendari lanetan, puntako aktoreen zerrenda amaigabe baten laguntzaz. Hauen artean aipatzekoak, Cameron Diaz, Kate Winslet, Jude Law edota Jack Black.
Ustekabez internet bidez ezagutu ostean, gabon oporraldian beraien etxebizitzak elkartrukatzea erabakitzen duten emakume biren istorioa du kontagai. Bata britaniarra eta bestea estatubatuarra, biak izan dute izugarrizko sorte txarra amodiozko harremanei dagokienez, gauzak horrela, epe jakin batean bizimoduz aldatzea dute xede.

"Lampa Cu Caciula" filma garaile Zinebin

2006-12-10T19:55:00.000+01:00

Lampa Cu Caciula film errumaniarrak, Zinebiren 48.edizioko sari nagusia eskuratu du.
Filmak irauten duen 22 minutuetan, aita baten eta seme baten harremanaz eta bizitzaren gauza txikiek duten garrantziaz hitz egiten du. Florin Lazarescuk egin du 35 milimetrotan filmatutako lan horren gidoia, eta Marian Bratu eta Gabriel Spahiu dira protagonista nagusiak. James Benning estatubatuarra, Manuel Perez Paredes kubatarra eta Gili Dolev israeldarra izan ziren saritutako lanak aditzera eman zituzten epaimahaiko kideak.
Bestalde, Euskal Zinemaren Sari Nagusia El verano español Victor Gonzalezen pelikularentzat izan da eta Espainiako Zinemaren Sari Nagusia, bestalde, Abandonatii Joan Solerrek zuzendutako lanarentzat. Horrez gain, El aprendiz (Jorge Hernandez) pelikula venezuelarrak Zilarrezko Karabela eskuratu du.
Aurtengo Zinebin parte hartu duten lanen inguruan aipatu beharra dago, "komediaren eskasia" eta "umore falta" azpimarratu dutela zinemagileek.

Notes on a Scandal

2006-12-09T12:47:00.000+01:00

Nolako urtea daraman Cate Blanchett-ek... Babel, The good German eta orain Notes on a Scandal.

“Foxseachlight”ek Richard Eyre zuzendariaren azken filmearen trailerra ikusgai jarri du. Iris-en zuzendariak pasa den urtean ere “Belleza prohibida”rekin ikuslegoa harritu zuen.
Cate Blanchett-ek oraingoan, zinemaren munduko beste aktoresa paregabe batekin lan egin du, Judi Dench-ekin hain zuzen ere. Sheba Hart (Blanchett) Londreseko eskola bateko andereñoa, bere ikasleetariko bat xarmatzeagatik salatu egiten dute. Bere lankide den Barbara Covett (Judi Dench) izango da salaketa guztien aurrean defendatuko duen bakarra, baina bere onurarako soilik.

Datorren urteko otsailaren 27an estreinatuko da hemen Diario de un Escándalo izenburuarekin.

"Babel" Iñarrituren azken filma

2006-12-06T11:44:00.000+01:00

Abenduaren 15ean estreinatuko den filmea dugu Babel; Amores perros eta 21 gramos filmeen zuzendariaren eskutik, Alejandro Gonzalez Iñarritu. Aktore-multzo bikainaz baliatuz globalizazioak ekarritako despostismo ilustratua islatzen saiatuko da, elkarkidetzarik gabeko errealitate ikarati batean murgildutakoa.

Lau historio, lau herrialde, sei hizkuntz... guzti horren antolakuntza ardura hartuz Iñarrituk minaren trilogia osatzea lortu du azken film honekin. Maitasuna eta mina bikoteak izango balira bezala, gizakiak bi sentimen horien bidez bateratzen direla hartu du abiapuntutzat. Sari ugari irabazi ondoren Oscarretan nolako oihartzuna izango duen zain geratzen gara.

Zinema bidaiak

2006-12-03T22:16:00.000+01:00

Filmeek, etxetik edo herriko zine aretotik mugitu gabe historia oro bizitzeko aukera emateaz gain, munduko edozein txokotara mugitu gabe joateko aukera ematen dizu. Bajo el sol de la Toscana pelikularekin Italiako eskualde ikusgarri hau ezagutzeko aukera izan genuen, bertako ekilorez beteriko zelaiak ikusiz. Positano kostaldeko herri liluragarriarekin ere maitemintzea oso erraza da filme honetan.

Sofia Coppola-ren Lost In Translation-en Tokio ezezagun eta misteriotsuan barrena murgiltzen gara. Munduko puntako teknologiaren mekan hainbat tresna eta asmakizun modernoz inguraturik egotetik ehundaka urtetako tradizioz beteriko tenplu baten egotera igarotzen zara.

Filme hauek ikusten dituzten ikusle askok beste pausu bat eman eta hauek errodatu ziren tokietara joaten dira mundu berriak deskubritzera. Zelanda Berriko turismoa, adibidez, %30 igo zen Eraztunen Jauna triologiaren famari esker. Estatu Batuetako Wyoming estatura ere hainbat hurbildu dira Brokeback Mountain filmea errodatu ziren mendiak ezagutzeko asmoz.

Woody Allen maisuak New York ezagutzeko aukera paregabea eman dio ikusleari bere filmografia guztian zehar. Orain ,ordea, Londres bilakatu da bere lantoki eta Match Point edo Scoop, bere azken filmeetan Ingalaterrako hiruburuko txoko ezezagunasko ezagutzera eman ditu.

Errodaje batek orokorrean ondorio positiboa izaten du grabatu den lokalizazioko turismoan. Bidai agentziek, hau aprobetxatuz, tour bereziak antolatzen dituzte. Parisen, adibidez, DaVinci kodea filme eta liburuko tokien ibilbidea edo Londresen Bridget Jones, Love Actually edo Notting Hill pelikuletako tokiena. Hiri eta toki askotan egiten dena da eta hauek guztiak Carlos Rosado Cobián-en “Cine y Turismo” liburuan batzen dira.

“Planet one”, Espainiar filmerik garestiena

2006-12-02T14:51:00.000+01:00

Llion Animation Studios enpresa espainiarra, bere lehen luzemetraia prestatzen ari da, “Planet One". Ekoizpenari dagokionez, izen handiko profesionalez hornitua dago filma, Joe Stillman, Shrek eta Shrek2 filmengatik Oskarretarako hautagai izandakoa, gidoilari lanetan aritu da. Zuzendari gisa Jorge Blanco, produkzioan Ignacio Pérez Dolset eta Albie Hetch, azken honek Rugratts Parisen edota Jimy Neutron bezalako pelikulak produzitu ditu. Proiektuaren ekoizpen lanetarako 50 milioi dolarreko aurrekontua dute, zine espainiarraren historiako filmerik garestiena izanik. Giza espezieak burututako inbasio extralurtarra du kontagai eta oraindik aurreprodukzio lanetan egon arren, 2008.urteko lehen hiruilekoan aurkezteko asmoa dute.

Los Simpsons movie

2006-11-30T14:09:00.000+01:00

Datorren urtean ikusgai izango dugu telebistako familia polemikoenaren filma: Los Simpsons movie. Pantaila handian helduko dira Estatu Batuen bizimoduari buruz hainbeste erakutsi digun familia xelebre hau. Lanaren arduraduna David Silverman izan da, lehenago Pixar-en hainbat filmeen zuzendaria izanikoa.

Arrakasta bermatuta dauka filmeak, hori dela eta nahaspila handia sortu da trailerra ikusgai egon baino lehen. Fox produktoraren aginduz Youtubek erretiratu egin behar izan zuen bere zerbitzaritik, copyright legeak urratzen baitzituen. Estatu Batuetan estreinaldia Uztailaren 27an izango dela dakigun arren oraindik zehazteke dago estreinaldiaren data hemen.
Los Simpson familiaren abentura berriak ikusteko trailerra hemen dago. Haragi eta hezurrezko pertsonek interpretatutako trailer parodikoa berriz, hemen behean dago ikusgai. Badirudi Los Simpsons-en pelikula erreal bat ikusteko gehiago itxaron beharko dugula.

"Miss Potter"

2006-11-28T18:48:00.000+01:00

Bihar estreinatuko du Crish Noonan zuzendari estatubatuarrak “Miss Potter” izeneko bere azken filma. 1995.urtean “Babe” pelikularekin izandako arrakastaren ondoren indarberrituta datorkigu azken ekoizpen honetan. Oraingoan, Beatrix Potter idazle eta ilustratzaile famatuaren bizitzako gorabeherak ditu kontagai, hala nola, honek sortutako pertsonai fiktizioa: Petter Rabbit, haur ipuinetako protagonista dotoreenetakoa. Potter anderearen paperean Renée Zellweger aktoresa famatua dugu, aktoreen zerrendan ordea, Ewan McGregor edota Emily Watson izarren antzezpenaz gozatzeko aukera izango dugu. Arestian aipatu bezala, filmearen estreinaldi mudiala bihar izan arren, trailerra duzue ikusgai aurrerapen gisa.

"El Hobbit" zuzendari gabe

2006-11-28T13:33:00.000+01:00

Peter Jackson, El Señor de los anillos trilogiaren zuzendariak, ez du El Hobbit nobelaren adaptazio zinematografikoa zuzenduko. Dirudienez, proiektuaren arduraduna den New Line enpresak oraintsu jakinarazi duenez, beste zuzendari baten bilaketari ekin dio seriearen bi emanaldiak grabatzeko. Jackson-en esanetan, erabakia produktorarekin dituen arazo fiskalen ondorioz sortu da. Izan ere, oraindik kobratzeke ditu trilogiaren zuzendari lanengatik irabazitako diru kopuru handi bat. Erabaki zorrotz honek Tolkien idazlearen sagako jarraitzaileen ametsarekin bukatu du, zuzendari beraren esku eta ikuspuntutik ikusi nahi baitzuten osorik.

Esan behar da, El Hobbit deituriko nobela El señor de los anillos trilogia baino lehen idatzi zela eta beraz, istorioaren hitzaurre bezala har daitekeela. Beste aldetik El Silmarillion trilogiaren jarraipen bezala uler daiteke.

Audrey Hepburn: biografia

2006-11-26T20:11:00.000+01:00

Audrey Hepburn-en biografia berriak, XX. mendean izandako zinema izar handienetako baten bizitzara leiho bat irekitzen digu. Audrey pasa den mendeko mito ikonografikoa da jada, eta ez bere aktore lanagatik soilik. Bere dotorezia, irribarrea eta begirada gaur arte heldu zaigu eta ez da harritzekoa bere aurpegia poltsa, arropa edota edozein dekorazio objektutan agertzea. Oso famatua da baina, bere bizitzako gauza gutxi dira ezagunak eta Donald Spoto-k idatzitako biografia honek, bere bizitzako detaile eta nondik norakoak jakiteko aukera paregabea ematen dio irakurleari.
Biografiaren idazlea Hollywood-eko hainbat izarren biografiak idazteagatik da ezaguna. Beste gauza batzuen artean aktoresaren familia eta hauen Ingalaterrako Mosley alderdi naziarenganako hurbiltasunari buruz hitz egiten du. Baita bigarren mundu gudan Holandan igarotako urteak, ondoren bere modelo karrera zinean egin zuen lehengo papera arte (Oro en barras). Zinema munduan jarraituz, guztientzat ezagunak diren Vacaciones en Roma, Sabrina, My Fair Lady eta Desayuno con diamantes filmeak egin zituen goraldiaz ere aritzen da Spoto liburuan.

UNICEF-eko enbaxadore pribilegiatua izan zen bere bizitzako azken urteetan. Horrez gain, XX. mendeko feminitatearen ikurra izan zen eta izaten jarraitzen du. Aldi berean irribarre maltzur eta gozoa zuen Audrey ulertzen laguntzen duen liburua da hau.

Isabel Coixet,2006ko Emakume Europearra

2006-11-26T18:45:00.000+01:00

Isabel Coixet zinemagileak, ICAA-ko (Zinema eta ikus-entzunezko arteen institutu nazionala) zuzendari den Fernando Lara-ren eskutik jaso berri du 2006.urteko Emakume Europearrari saria. Emakumeen Batasunak, zinemagile Kataluniarra saritu nahi izan du aurtengo edizioan, batez ere bere azken filmean, (“La vida secreta de las palabras”) emakume Bosniarren aurkako bortxaketen inguruan egindako salaketagatik. Sariaren helburua, gizarteko edozein esparrutan, bai politiko, kultural edota ekonomikoan, bikaintasuna erakusten duen emakumea aintzat hartzea da.Bere aldetik, Coixet-ek tratu txarrak jasaten dituzten emakume guztiei eskeini nahi izan die saria.

Kultuzko filma: Memento

2006-11-22T21:12:00.000+01:00

2000. urtean estreinatutako suspentzezko filma da Memento, gidoi originalaren Globo de oro saria eskuratu zuena. Eta ez da gutxiagorako. Cristopher Nolan zuzendariaren gidoia Memento Mori (latinez, "gogoratu hilkorra zarela") izeneko istorioan oinarrituta dago. Filmaren berezitasunik handiena tempo narratiboaren ez linealtasunean datza, hau da, pelikulak atzera jotzen du ikusitakoaren kausak azalduz ondorioak erakutsi beharrean. Hauen artean, ordena logiko bat jarraitzen duten zuri beltzean dauden eszenak aurki daitezke, baina istorioaren erdian daude tartekaturik. Istorioa amaierara heltzean zuri beltzean dauden eszenak eta koloredunak bat egiten dute azken gertakizun batean amaitzeko.

Filmaren bukaera hasiera batetik jakin arren, ikuslea urduritasun iraunkor batean murgiltzen da azken minuturarte, jakin beharrekoaren erantzunak ezagututa ere beharrezkoa baitzaio hurrengo eszenaz asetzea. Originala eta ausarta proposatutako muntai eta estruktura argumentala. Bereziki interesgarriak protagonistak oroimenari buruz mantentzen dituen elkarrizketa sakonak. Hori bai, arreta osoa beharrezkoa da istorioaren nondik norakoak ulertzeko.

Pirelli 2007

2006-11-20T21:41:00.000+01:00

Kalean da jada Pirelli egutegi famatuaren azken alea. Oraingo honetan, Hilary Swank, Naomi Watts, Lou Doilon, Sofia Loren eta Penélope Cruz aktoresen txanda izan da. Urtero legez, Holllywoodeko izarrak oso modu erakargarrian agertu dira argazkietan, betiere dotoretasunez adieraziz beraien gorputzeko atalik erakargarrienak, gehiegi erakutsi gabe. Inez Lamsweerde eta Vinoodh Matadin argazkilari holandarrak izan dira bost emakume hauek ezin hobeto irudikatu dituztenak, zuri beltzean eta maindira zuriz jantzitako ohe erraldoi bat eszenatoki gisa erabiliz.

Arestian aipatutako aktoresen artean, bada egutegi honetan nabarmentzen den bat, 72 urte izan arren eskarmentu handiko emakumea, edertasun helduaren adierazgarria. Noski, Sofia Loren izar italiarraren inguruan ari gara, bera izan baita 2007.urteko Pirelli egutegiko protagonista nagusia, badirudi heldutasuna modan dagoela eta emakume honek ezinhobeto irudikatzen du kontzeptua. Hasieran lotsati agertu arren, berehala lasaitu eta naturaltasunez azaldu zen kamaren aurrean, gainontzeko aktoresen tankeran. Emaitza? Sentsualitatea pertsonifikatua.

Dogma 95

2006-11-19T21:41:00.000+01:00

Dogma 95 manifestua batzuentzat azken urteetan izandako zine komertzial eta gainazalekoaren kontra joateko sistema bat da. Beste batzuentzat ordea, dogma erridikulu eta zentzugabekoa, eta zinea ikustea gustuko dutenetatik askok zer demontre den ere ez dakite (eta ez da harritzekoa).
1995ean, Lars Von Trier, Thomas Vinterberg, Kristian Levring eta Soren Kragh-Jacobsen zuzendari danesek sortutako mugimendu filmikoa da. Honen helburua pelikula sinpleak ekoiztea da, post-produkzioan aldaketarik egin gabe, enfasia garapen dramatikoan soilik jarriz horrela. Manifestuak hamar lege edo puntu ditu, hamar aginduak bezala. Horietariko batzuk kamara eskuan edo lepoan edukitzea izango litzateke, inolako euskarririk gabe; 35mm-tako pelikula formatua erabiltzea; edota kolorean izatea eta iluminazio artifizialik gabe errodatzea izango litzateke.
Lars Von Trier-en “Los Idiotas” filmea da seguruenik Dogma 95 manifestua errespetatzen dutenetatik famatuena. Gaur arte 144 film eta laburmetrai dira Dogme-films denominazioa dutenak.

Manifestua irakurri eta gero, dogma filme bat ikustera animatzen bazarete ea zer iruditu zaizuen komentatzea besterik ez duzue ea baliagarria edo zentzugabekeria bat den erabakitzeko.

Lekeitioko XXIX. Zine eta Bideo Bilera

2006-11-19T19:20:00.000+01:00

Atzo eman zitzaion amaiera, hilaren 13an Lekeition hasi zen XXIX. Euskal Zine eta Bideo Bilerari. Ikus-entzunezko 45 lan proiektatu ziren guztira, beraien artean, 18 dokumental, sormenezko 15 lan eta 12 istorio labur. Aurtengo edizioan, filmeek gai sozialen inguruko apustua egin dute, gehienak egungo gizartean ditugun gatazka eta oztopoen inguruan arituz. Palestinako egoera edota Israelgo okupazioa izan ziren gai nagusiak jaialdian. Hala ere, eskualdeko hainbat erronka sozial ere izan ziren ikusgai, “Astra 5.00 A.M" dokumentala esaterako. Honek, Gernikako Astra arma lantegiaren okupazio prozesua aurkeztu zuen “Ieup” gazte asanbladaren eskutik. Aurtengo XXIX. edizioak, aurreko ekitaldietako parte-hartzea gainditu du nabarmen,egun hauetan izugarrizko jendetza bildu baitzen Lekeitioko Ikusgarri aretoan.

El ilusionista

2006-11-17T15:37:00.000+01:00

El ilusionista filma estreinatu da gaur. Neil Buger zuzendarindariaren eskutik, magiaz gainezka datorren filma dugu. Errealitatea eta ilusioa ezin bereiztuz, XX. mende hasieran bizi zen Eisenheim (Edward Norton) magoaren istorioa kontatzen da. Azken hau printzearekin (Paul Giamatti) ezkontzera doan emakumeaz (Jessica Biel) maitemintzen da eta hamaika trikimailu erabiliko ditu ezkontza hori ekiditeko.

Oraindik euskal kritiken berri izateko itxaron behar izango den arren, Estatu Batuetatik datorren informazioaz ondorioztatu daiteke maitasunezko istorio bikaina izateaz gain misterioaz betetako thrillerra dela.

The squid and the whale

2006-11-15T14:25:00.000+01:00

Estatu Batuetan The squid and the whale (El calamar y la ballena) izenburupean komertzializatu zen arren, penintsulan Una historia de Brooklyn izenarekin agertu zaigu. Beste behin ere, itzulpen zentzugabe baten aurrean aurkitzen gara, kontatzen den istorioa Brooklyn-en kokatzen bada ere inongo berezitasuna ukatzen baitzaio narrazioari.
Intelektual bikote bat (Jeff Daniels eta Laura Linney) eta hauen bi semeen istorioa kontatzen da. Familia dirudunek ere barne arazoak izaten dituztela erakusten digu. Izan ere, gurasoak banatzen direnean hankaz gora jartzen da familia guztiaren bizimodua. Detaile txikiak aintzat hartuz gero baliozko filma izan daiteke, izan ere horretan datza bere xarma, askorentzat antzemanezinak diren xehetasunetan. Bitxia suertatzen da guraso biak idazleak izanik nolako giro intelektualean murgildu nahi dituzten semeak, filisteoak (filmean erabiltzen duten hitza) diren guztiak arbuiatuz. Pertsonaia garrantzitsuak bilakatuko dira abesti famatu baten egiletasuna plagiatuko duen seme nagusia eta jokabide sexual ezohikoa erakusten duen seme txikia.
Euskal Herrian orain bi hilabete estreinatu zen arren, iazko Sundance zine-jaialdian kaleratu zen harrera eta kritika oso positiboekin, zuzendari eta gidoi dramatiko hoberenaren saria jaso zituen. Beste zinemaldi batzuetan saririk jaso ez arren ugariak izan dira nominazioak.

Zine izar gazteegiak

2006-11-12T16:05:00.000+01:00

Zine izarrak idealizazioaren ondorioz sortzen ez ote diren jakin nahi genuke. Lortezina zirudien fama eskuratzean anonimotasuna galtzen duten aktore horietaz ari gara. Askotan ahaztu egiten baitugu pantaila handian bi dimentsiotan ikusten ditugunak hezur eta haragizko pertsonak direla. Batzuetan presio mediatikoa eta berehalako arrakasta jasateko gai ez diren pertsonak. Eta arazoa nabarmenagoa izaten da txikitatik izar izan diren horientzako.
Duela hamairu urte, 1993ko azaroaren 12an, River Phoenix aktorearen txosten forentsea ezagutarazi zen. Kokaina eta heroina gaindosi baten eraginez hiltzeaz gain valium eta marihuana hondakinak aurkitu zizkioten. Albisteak harridura sortu zuen Hollywood-en, aktoreak ekologista eta naturista izatearen ospea baitzuen. Orain, Joaquin Phoenix bere anaiaren bidez gogoratzen dugu.
Hogeita hiru urte besterik ez zituela, bere gaztetasuna pikutara bidaliz eta agur esan gabe eraman zuen herioak. Zer nolako eragina du ospeak eta diruak haur edo nerabe batengan? Zilegi al da degradazio maila horretara iristea irudi publikoa bilakatzearen ondorioz? Zergatik hainbeste adibide? (James Dean esaterako)

Kutsidazu bidea, Ixabel

2006-11-07T17:46:00.000+01:00

Joxean Sagastizabalen liburuak sekulako arrakasta izan zuen, egun ere pila bat irakurtzen da eta hori dela eta orain hiruzpalau urte antzerkia egitea erabaki zuen antzerki konpainia batek. Antzerkiak ere, liburuak bezala arrakasta izugarria lortu zuen Euskal Herriko antzeztoki guztietan. Fernando Bernués eta Mireia Gabilondoren eskutik filmea heldu zaigu orain hilabete eta erdi baino gutxiago. Donostiko Zinemaldiko Zabaltegi sailean aurkeztu ondoren, liburuak eta antzerkiak bezala, oso harrera ona izan du ikuslegoan. Dagoeneko guztiok jakingo duzue “Kutsidazu bidea, Ixabel”-en kontatzen diren nondik norakoak, baina hala ere sinopsia irakurtzea gomendatzen dizugu memoria errefreskatzeko.

Filmeak harrituta uzten du ikuslea, umoreaz gain, testuinguru soziopolitikoak liburuan, eta batez ere antzerkian, baino pisu handiagoa duelako. Gainera, filmean, bigarren mailako pertsonaiei ere garrantzia eta sakontasun gehiago ematen diete. Liburuaren idazlea den Sagastizabalek egin du gidoia zuzendariez eta beste bi pertsonez gain.

2006-11-07T16:02:00.000+01:00

Emakumeek egindako zinearen XI.erakusketa

Emakumeek egindako zinearen XI.erakusketa hasi zen Bilbon joan den azaroaren 2an. Larunbata arte iraungo duen jaialdi honetan, Espainiar Estatuko eta beste hainbat herrialdetako zuzendari emakumezkoek egindako lanak izango dira ikusgai. Proiekzioen artean, 8 film luze eta beste horrenbeste film labur eskainiko dira besteak beste, jaialdi honen hamaikagarren edizioan.
Simone de Beauvoir talde feministak eta Bilboko Udaleko Emakumeen Sailak antolatu dute erakusketa hau, helburu gisa hain konplexua eta anitza den gizarte honen ikuspuntu zabalagoa izatea dutelarik. Bertan, Berlingo Nazioarteko Jaialdian Urrezko Hartza irabazi duen Jasmila Zbanic errealizadore bosniarraren lehen lana, Gravabica, ikusi ahal izango da lehen aldiz Estatu osoan.

En la cama

2006-11-06T21:58:00.000+01:00

2005ean Valladolid-eko zinemaldian epaimahaiaren sari nagusia irabazi zuen En la cama filmeak. Ustekabez jasotako saria izan zen, Caché bezalako filmak garaitu baitzituen. Agian ezberdina izateagatik edota tabuak baztertuz pertsonaien biluztasuna (fisikoa eta espirituala) eroso bihurtzen dituelako. Baina ukaezina da logela batek eskaini ditzakeen plano umilekin baliatuz zerbait transmititzeko gai den filma dela.
Kasualitateak eta kimikak bi ezezagun batzen ditu motel bateko logelan. Sexua eta elkarrizketa dira argumentu ezohiko istorioaren gidari, ez baitago hasiera, korapiloa eta amaiera finkatzerik. Elkar ezagutzen diren bi pertsonen istorioa eta ordu batzuk batera igarotzean konfiantzak jokatzen duen paper garrantzitsua islatzen du. Gezurrekin hasten da etorkizunik gabeko harremana, baina solasaldi lasaiek inork ezagutzen ez dituen sekretuak aitortzean egiten dute eztanda. Badirudi batzuetan ezezagunek betetzen dutela bizitzak sorturiko hutsuneak eta holakoetan hobe dela inoiz gehiago ikusiko ez den pertsonarengan fidatzea.
Hamaika plano ezberdin konbinatuz, Matias Bize zuzendari gazteak, filmeak estetikoki ez duen xarma txertatzen saiatzen da. Hala ere, nabaria da eszenatoki bakarrak zirrara eranzten diola. Mesedetan esan daiteke tempo narratiboa mantentzeko gai dela eta ez duela gainbeherarik.

SAW III

2006-11-05T18:54:00.000+01:00

Zinema aretoetan lortutako emaitz arrakastatsuek egin dute posible SAW saga osatzen duen hirugarren alea kaleratzea. Orain dela urte bi estreinatu zen lehena, urteko filme arrakastatsuenen zerrenda buruetako bat izatea lortu zuelarik. 24 hilabete pasatxo, bigarren alea iritsi zen zinema aretoetara, beste behin ere, suspentsea, biolentzia eta odol jarioak filmearen gore izaera bermatzen zutelarik. Darren Lynn Bousman zuzendariaren esanetan, generoa maite duten pertsonentzat egiten ditu pelikulak, ez kritikoentzat, eta era berean uste du gore generoa dela ikusleak SAW saga delakoan bilatzen duen giltza edo gakoa.
Hirugarren ale honen argumentuak nolabaiteko autonomia hartu badu ere, aurreko filmeen jarraipena besterik ez da. Azken honetan, Jigsaw desagertu egiten da. Amanda izeneko laguntzaile berriaren lankidetzaz, polizia bere onetik aterako duen joku konplexu berri bat asmatuko du. Hura harrapatzen saiatzen diren bitartean, Lynn Denlon doktorea (Bahar Soomekh) bere joku diabolikoan parte hartuko duen azken panpina izatera doa. Gau baten, ospitaleko lana bukatu ondoren, Lynn bahitu eta etxe zahar batetan uzten dute, bertan hilzorian dagoen Jigsaw ezagutuko du. Doktoresak bizirik mantendu beharko du Jeff-ekin amaitzeke duen jolasa bukatu arte.

2007ko zenbait aurrerapen

2006-11-02T13:46:00.000+01:00

Datorren urtean ikusgai izango ditugun filmetariko batzuk dira honakoak:

Harry Potter and the order of the Phoenix
Estreinaldia 2007ko Uztailaren 20a.
Munduko magorik ospetsuenaren bosgarren filma martxan dago. Oraingo honetan Harry Potter eta Cho Chang ikaskideen arteko musua ikusi ahal izango dugu produkzioaren unerik gorenean, baita Lord Voldermort beldurgarriaren kontra izango duen egundoko borroka. Daniel Radcliffe aktorearekin batera orain arte kide moduan izan dituen Emma Watson eta Rupert Grint aktoreak agertuko dira, sagako beste batzuk bezala, hala nola: Alan Rickamn, Robbie Coltrane, Michael Gambon, Maggie Smith, Brendan Gleeson, Emma Thomson, Gary Oldman eta makillajeaz gainezka agertuko den Ralph Fiennes. Fitxaje berriak Imelda Saunton (El secreto de Vera Drake) eta Helena Bonham Carter izango dira, Hogwarts-ko irakasle moduan.

Night at the museum
Estreinaldia 2007ko Urtarrilaren 5a.
Nueva York-eko Historia Naturalen museoko segurtasun guarda inuzente batek abentura sinesgaitza bizi du bertako animali disekatu eta figurek bizitza eskuratzen dutenean. Ben Stiller protagonista nagusi izanda eta beste aktore komiko askoren elkarketa dela eta ziur filma datorren gabonetako izar izango dela. Aktore zerrenda honakoek osatzen dute: Owen Wilson (Tu, yo y ahora Dupree), Robin Williams, Paul Rudd, Ricky Gervais eta Steve Coogan britainarrak, Carla Gugino eta Mickey Rooney eta Dick Van Dyke beteranoak. Trailerra honako orrialdean ikusgai.

Little Children
Estreinaldiko data zehaztu gabe.
En la habitacion filmarekin hamaika sari irabazi zituen Todd Field zuzendariak, orain, elkar gurutzatzen diren bizi puskak batzen ditu film honetan. Feminista bisexuala, agenda kontrolaturik duen etxekoandrea, haren senarra, kartzelatik irten berri den ustezko pedofiloa… eta beste zenbait pertsonaiek egiten dute istorioa balizko. Kate Winslet, Jennifer Connelly eta Patrick Wilson (Hard Candy) aktoreek protagonizatzen dute jadanik Oscarretarako maiteenen artean dagoen filma.

In the Mood for Love

2006-11-01T11:35:00.000+01:00

26.minutua, protagonista biak jatetxe bakarti batean jesarrita eta Nat King Cole-ren abestia. Norberaren bikotea bestearenarekin abentura bat izaten dagoela konturatzen diren unea da. Eta hau da pertsona bat Wong Kar-Wai maisuaren "In the Mood for Love" filmeaz maitemindu daitekeen momentu orotariko bat.

1962ko Hong Kong-en , kazeta lokal bateko erredaktore burua den Chow Mo-Wan-ek gela bat errentan hartzen du errentan Su Li-Zhen-ek, esportazio enpresa bateko idazkariak, hartzen duen egun berean. Logela bizilagunak dira eta lan kontuengatik beren bikotekideek bakarrik uzten dituzte noizik behin. Etxekoandre eta bizilagun adiskidetsuak dituzten arren, sarritan bakarrik aurkitzen dira beraien logeletan Su eta Chow eta hortik jaiotzen da beraien arteko adiskidetasuna. Jaten dauden egun batean, Chow-k beren bikotekideek elkarren artean kanpoko ezkon harremana dutela konturatzen da. Momentu horretatik aurrera elkarri kontsolatzen dira bata bestearen presentziaz. Chow-k Su-ri, kazeta baten argitaratzeko arte marzialetako historiatxo batzuk egiten laguntzeko proposamena egiten dio. Su Li-Zhen eta Chow-ren arteko harremana estuago egiten den heinean, kontuan jausten hasten dira gainontzekoak. Batak bestea norberaren bikotekidea ez uzteko limurtzen saiatzen dira.
Kar-Wai zuzendariak bi metodo berritzaile erabiltzen ditu filme honetan. Lehenengoa antzekoak diren eszenen erabilpena da eta bigarrena sekuentzia batzuetan, bakarra dirudien arren, benetan, filmeko bi protagonistek dituzten hainbat elkarketen multzoa da. Teknika bi horien erabilerari esker protagonistek gauza bera denbora luzean zehar egiten duten inpresioa ematen dio ikusleari. Dena dela, pixka bat adi egonda, Su Li-Zhen-en arropa eta makillajea sekuentzia guztietan aldatzen dela konturatu daiteke bat.

Filmearen bitxikeri batzuk:
- Days of Being Wild (1991) eta 2046 (2004) filmeekin batera, triologiaren bigarren zatia dugu In the Mood for Love (2000).
- 15 hilabeteko filmaketa behar izan zuen pelikula dugu eta azken metrajetik zuzendariak bikote protagonistaren maitasunezko eszena guztiak kendu zituen.
- Christopher Doyle (Paris, Je t’aime; Eros) australiarra da primerako argazki zuzendaritzaren arduraduna.
- Filmeko 3 abesti gazteleraz dira eta Nat King Cole jazz abeslari estatubatuarrarenak dira.
- Deseando amar edo In the Mood for Love, filmearen jatorrizko izenburua Fa yeung nin wa da eta honen esanahia hurrengoa da: Urteen handitasuna/eskuzabaltasuna loreen moduan igarotzen da.

Filmeko esaldia:

“Antzina, pertsonek sekretuak zituztenean, eta ez nahi zutenean sekretu horiek konpartitu, mendira igotzen ziran, zuhaitz bat aurkitzen zuten eta zulo bat egiten zuten enborrean sekretua xuxurlatzeko, ondoren lokatzez estaltzen zuten, horrela inork ez zuen inoiz sekretu horren berri izango.”

Trailerrak:

- Ingelesez

- Txinoz (subtituluak frantsesez)

Tideland

2006-10-31T17:10:00.000+01:00

Iazko Donostiako zinemaldian estreinatu zen filma dugu Tideland, Terry Gilliam zuzendariaren eskutik. Bere buruari eskainiriko film ezohiko batekin aurkitzen gara, bizirauteko sosik ematen ez duten horietakoa, karteleran zuzendari berberaren The Brothers Grimm film komertziala zegoen bitartean estreinatua. Bertsio original subtitulatuan ikus daitekeen arren, oraindik ez da gaztelerara itzuli eta filmaren ospea zalantzazkoa da hori dela eta. Bestalde, jasotako kritiken artean muturreko iritziak kontrajarrita aurki daitezke. Axolagabetasunean erori gabe maite edo gorroto den film horietakoa dugu.
Jelize-Rose deritzon protagonista nagusiak bere inguruan sortzen duen irudizko mundua islatu nahi da, helduen arazo eta beharrek lekurik ez duten mundua alegia. Aita drogazalea izanik badirudi bizitzaren ankerkeria eta krudeltasuna txikitatik ezagutzen dituela, baina oporretan bidaltzen duela pentsaturik heroina dosiak prestatzen dizkio. Horra haurraren inozentzia. Ipurtargi, katagorri, papin buru eta itsaspekoak gobernatzen dituen erreinuaren erregina da bera eta bidean aurkitzen dituen bi pertsonaia xelebreek lagundu egingo dute argumentuaren nondik norakoan. Izan ere, neskatilaren irudipen fantastikoak ez dira nahikoa suertatzen filmaren ibilbidea finkatzeko.

Bada guztiz makabroa dela uste duen kritikorik, Gilliam-ek aplikaturiko humorea onartezina dela uste duenik. Baina filmak badu bere baitan noraezean dabilen haurraren arimaren purutasuna eta horrek desberdintzen du. Bestalde Jodelle Ferland (Silent Hill) aktoresak burututako lana eta pelikularen fotogramak bikainak dira.

Hona hemen trailerra:

Azaroaren 3ko estreinaldiak

2006-10-31T12:39:00.000+01:00

Izenburua: La matanza de Texas: El Origen
Generoa: Ikara
Nazionalitatea: AEB
Urtea: 2006
Zuzendaria: Jonathan Liebesman

Izenburua: Gal
Generoa: Drama
Nazionalitatea: España
Urtea: 2006
Zuzendaria: Miguel Courtois

Izenburua: Todos los hombres del rey
Generoa: Drama
Nazionalitatea: AEB
Urtea: 2006
Zuzendaria: Steven Zaillian

Izenburua: Jakass 2: Todavía más
Generoa: Komedia
Nazionalitatea: AEB
Urtea: 2006
Zuzendaria: Jeff Tremaine

Izenburua: Una verdad incómoda
Generoa: Dokumentala
Nazionalitatea: AEB
Urtea: 2006
Zuzendaria: Davis Guggenheim

Izenburua: Un buen año
Generoa: Drama
Nazionalitatea: AEB
Urtea: 2006
Zuzendaria: Ridley Scott

Izenburua: Dead man
Generoa: Drama
Nazionalitatea: AEB, Alemania eta Japon
Urtea: 2006
Zuzendaria: Jim Jarmusch

Izenburua: La silla
Generoa: Drama
Nazionalitatea: España
Urtea: 2006
Zuzendaria: Julio Wallovits

Izenburua: Optimistas
Generoa: Drama
Nazionalitatea: Serbia eta Montenegro
Urtea: 2006
Zuzendaria: Goran Paskaljevic

Hitchcock-en agerraldi bitxiak

2006-10-29T21:06:00.000+01:00

Jakin badakigu zinema munduko izarrek nahikari bitxiak izaten dituztela. Sir Alfred Hitchcock zinemagilearen kasuan, oso gustuko zuen bere filmeetan parte hartzea “cameo” deituriko bat-bateko agerpenak eginez. Txantxa gisa hasi zena, gutxinaka ohitura bihurtu zen eta ikusleak filmearekin gozatzeaz gain, bere agerraldien zain jartzen ziren pantailaren aurrean.

"Rebeca" (1940) filmean egindako agerraldiaren uneko argazkia

Hitchcock-ek filmeetan egindako agerraldien zerrenda

“ La muchacha de Londres” (1929)
“ Inocencia y juventud” (1937)
“ Rebeca” (1940)
“ Enviado especial” ( 1940)
“ Sabotaje” (1942)
“ Naufragos” ( 1943)
“ Extraños en un tren” (1951)
“ Yo confieso” ( 1953)
“ Con la muerte en los talones” (1959)
“ Los pájaros” (1963)
“ Topaz” (1969)
“ La trama” ( 1976)

" Kultura eta tradizioagatik ezingo nituzke bestelako pelikulak egin. Heriotzari burla egitea gustatzen zait. Jende arrunta egoera groteskoetan sartzea gustukoa dut."

Alfred Hitchcock

Nömadak TX

2006-10-26T20:44:00.000+02:00

Aurtengo Donostiako Zinemaldian aurkeztu eta Urriaren 11n estreinatu zen Bilbo, Iruñea, Donostia, Gazteiz, Baiona Madril eta Bartzelonan Nömadak TX pelikula. Dokumental eta Road movie-aren artean dagoen filma Raúl de la Fuentek zuzendutakoa dugu eta kulturarteko topaketa txalapartaren bidez du gaitzat. Dokufilmearen protagonistak 1997an sortutako Oreka TX taldeko Harkaitz Martinez de San Vicente eta Igor Otxoa dira, horrezgain Mikel Laboa ere agertzen da beste pertsona askoren artean.

Txalaparta musika-tresna berezia da. Bi lagunen artean jotzen da, eta topaldi horretatik sortzen den musika ez da biotako inorena, elkarren arteko elkarrizketa eta topaketarena baizik. Nömadak TX-ek kontatzen duen istorioak abiapuntua du Igor Otxoak eta Harkaitz Martinezek adierazi nahikari batean. Bi musikarion nahia da txalaparta izan dadila pertsonen are kulturen topagune, baita oso ezberdinak direnean ere.

Irrika horrek bultzatuta Indiara, Laponiara, Mongoliara eta Saharara abiatzen dira. Ez dira bidai erosoak. Benetakoa denaren atzetik dabiltza, eguneroko soinuaren atzetik; finean, aurrez aurreko elkartzera. Mongolian zaldiz; Indian trenez; Ipar Poloan eskiz; eta basamortuan land-roverrez... Txalaparta agertoki kitzikagarrienetan entzuten da.Orduan entzuten dira Harkaitzek eta Igorrek bidean topatzen dituzten pertsonen mintzoak: musikari mongolak, taxilari indiarrak, abeslari samiak, amona sahararrak... Txalaparta musika-tresna baino gehiago bihurtzen da: Komunikazio-tresna da, Nork bere nahia adierazteko (g)unea.

Urriaren 27ko estreinaldiak

2006-10-26T19:44:00.000+02:00

Izenburua: Scoop
Generoa: Komedia, Fantasia eta Misterioa
Nazionalitatea: Erresuma Batua eta AEB
Urtea: 2006
Zuzendaria: Woody Allen

Izenburua: Va a ser que nadie es perfecto
Generoa: Komedia
Nazionalitatea: Espainia
Urtea: 2006
Zuzendaria: Joaquín Oristrell

Izenburua: Amigos con dinero
Generoa: Komedia, Drama eta Romantikoa
Nazionalitatea: AEB
Urtea: 2006
Zuzendaria: Nicole Holofcener

Izenburua: Infiltrados
Generoa: Krimena, Drama eta Thrillerra
Nazionalitatea: AEB
Urtea: 2006
Zuzendaria: Martin Scorsese

Izenburua: Ellos
Generoa: Ikarazkoa
Nazionalitatea: Frantzia
Urtea: 2006
Zuzendaria: David Moreau eta Xavier Palud

Izenburua: El Farsante
Generoa: Komedia
Nazionalitatea: AEB
Urtea: 2006
Zuzendaria: Barry Blaustein

Izenburua: Apuntes de Frank Gehry
Generoa: Dokumentala
Nazionalitatea: AEB eta Alemania
Urtea: 2006
Zuzendaria: Sydney Pollack

Palindromes

2006-10-25T22:10:00.000+02:00

Todd Solondz zuzendariaren lanik humanista eta hunkigarriena dugu. Lehenagotik ezaguna zaigu Bienvenidos a la casa de las muñecas film polemikoagatik eta orokorrean tratatzen dituen gaiak ezohikoak izaten direlako. Honakoan, ama izan nahi duen ume baten istorio krudelaz baliatzen da film poetikoaren argumentua betetzeko. Hasieratik bukaeraraino irreala dirudien istorioan muturreko kontserbadorismoa eta pederastia kritikatzen ditu.
Palindromoa atzetik zein aurretik berdin irakurtzen den hitza edo esaldia da, Aviva bezala, protagonista nagusiaren izena. Sei aktoresa ezberdinek interpretatzen dute pertsonaia berdina, aldaketa hau, hasieran nahasgarria izan daitekeena filmeari berebiziko zentsua emateko baliabidea da. Izaeraren aldaketa zein heinean den posible aztertu nahi da honen bidez. Gure natura palindromo bat bezalakoa ote da aldaketak jasan arren paradoxikoki aldatzen ez dena? Honako galdera planteatuz, Solondz-ek fisikoki aldatu arren identitate propioa aldagaitza dela defendatu nahi du. Aitzakia horrekin erabiliko ditu neskatxa nerabea interpretatzen duten sei aktoresak.
Umore harrigarri eta deserosoa sortzen du zuzendariak, ikusleek negar edo barre egin behar duten argi uzten ez duten horietakoa. Baina erabilitako gaiak oso konplexuak izaten direnez, kontu osoz joaten saiatzen da eta bere pertsonaiekiko errespetu osoa islatzen ahalegintzen da. Zuzendari askok egiten duten bezala, Solondz-ek berarentzat film batzuk filmatu zitzakeen eta beste batzuk ikuslegoarentzat, baina nahiago du denak berarentzat egitea ez baitaki zenbat gelditzen zaion bizitzeke.

Hollywoodeko izar berria

2006-10-23T16:05:00.000+02:00

22 urte besterik ez dituen arren, eskarmentu handiko emakumea dugu Scarlett Johanson, zinema munduari dagokionez behintzat. Txikitatik maite izan du 7.artea, aktoresa lanetan jarduteko gai ikusten zuen bere burua. Hasiera batean paper txikiak lantzen bazituen ere, 12 urterekin bere lehen saria eskuratu zuen, honi esker, Robert Reford-ek El hombre que susurraba a los caballos filmerako fitxatu zuelarik. Hortxe hasi zen Johanson-en benetako ibilbide profesionala, lau urteren buruan, lau filme errodatu zituen, bigarren mailako hezkuntza bukatzen ari zen bitartean. 2002.urtean, The Perfect Score, La joven de la perla eta Lost in translation filme entzutetsuak errodatu ostean, izugarrizko ospea hartu zuen aktoresa estatubaturrak, izar mediatiko bihurtzen hasia zen jada. Bere azken lana, zeresan gehien eman duena beharbada, Woody Allen-ek zuzendutako Match Point dugu.
Hollywood-eko izar berria izateaz gain, askok munduko emakumerik sexyena bezala deskribatzen dute, egungo eredu estereotipatuetatik at, Scarlett altueraz ez da batere garaia eta fisikoa kurbaz josia du. Hala ere, bere ezpain mamitsu eta begirada zorrotza edonor liluratzeko gai dira.

Itxuraldaketa harrigarriak

2006-10-22T20:30:00.000+02:00

Aktoreek maiz aldatu behar izaten dute itxuraz aukeratutako paperak interpretatzeko. Antzezlan bikaina gauzatzeko beharrezkoa zaie antzeztutako pertsonaiaren itxura bereganatzea, horren bidez interpretazioak ere sinesgarritasuna irabazten baitu. Batzuetan, makillajea baino zerbait gehiago behar izaten da eta aktorearen erabateko inplikazio beharrezkoa da. Horrela, Rene Zellweger aktoresak, Bridget Jones-en paperean sartzeko 15 kilo loditu behar izan zituen. Kasu honetan, aipatzekoa da loditu zuen kilo bakoitzagatik miloi bat dolar ordaindu ziotela eta era berean, argaldu zuen kilo bakoitzagatik beste miloi bat dolar.

Hurrengo zenbait estreinaldik ere itxuraldatze harrigarriak izango dituzte. Adibidez, Copying Beethoven filmean, Ed Harris aktoreak musikariaren identitatea eskuratuko du. Lehenago Gary Oldman-ek eginiko papera Harris-ek interpretatuko du eta agian honekin lortuko du orain arte Oscar sarietan izan duen suerte txarra gainditzea.

Dakigunez, Heath Ledger aktore galanta izango da Joker berria The Dark Knight filmean. Destino de caballero protagonizatu zuen aktoreak lehenago Jack Nicholson-ek Batman filmean eginiko papera berreskuratuko du. Makillatzaileek egin beharreko lana gogorra izango da aktorea era horretan transformatu ahal izateko, zaila egiten da zaldun prestua gaiztoaren paperarekin imajinatzea.

Baina hurrengo hilabeteetan ikusiko dugun itxuraldatze ikusgarriena dudarik gabe John Travoltak gauzatuko duena izango da. Fiebre del Sabado Noche filmearekin ezagutu genuen eta perfil horrekin katalogatu zen urte askotan zehar, horrela egin zuen Grease film arrakastatsua. Urteekin erakutsi du aktore bikaina dela eta nahi duen pertsonaia interpretatzeko gai dela. Orain Hairspray filme berrian berrogeithamar urteko emakume lodi baten azalean sartuko da.

Urriaren 20ko estreinaldiak

2006-10-20T13:33:00.000+02:00

Izenburua: La Dalia negra
Generoa: Thrillerra
Nazionalitatea: AEB
Urtea: 2006
Zuzendaria: Brian De Palma

Izenburua: Copiyng Beethoven
Generoa: Drama
Nazionalitatea: Alemania, AEB
Urtea: 2006
Zuzendaria: Agnieszka Holland

Izenburua: Yo soy la Juani
Generoa: Komedia dramatikoa
Nazionalitatea: Espainia
Urtea: 2006
Zuzendaria: Bigas Luna

Izenburua: Pequeña Miss Sunshine
Generoa: Komedia
Nazionalitatea: AEB
Urtea: 2006
Zuzendaria: J.Dayton eta V.Faris

Izenburua: A Scanner Darkly
Generoa: Zientzi-fikzioa
Nazionalitatea: AEB
Urtea: 2006
Zuzendaria: Richard Linklater

Izenburua: Admitido
Generoa: Komedia
Nazionalitatea: AEB
Urtea: 2006
Zuzendaria: Steve Pink

Izenburua: La prueba del crimen
Generoa: Thrillerra
Nazionalitatea: AEB
Urtea: 2006
Zuzendaria: Wayne Kramer

Izenburua: Monday
Generoa: Fantastikoa
Nazionalitatea: Japonia
Urtea: 2000
Zuzendaria: Sabu

Izenburua: Wicker man
Generoa: Beldurra
Nazionalitatea: AEB
Urtea: 2006
Zuzendaria: Neil LaBute

Izenburua: Hijos de los hombres
Generoa: Zientzia-fikzioa
Nazionalitatea: Gran Bretainia, AEB
Urtea: 2006
Zuzendaria: Alfonso Cuaron

Bizitasunez jositako generoa, musikala

2006-10-19T20:35:00.000+02:00

Doinuez, kantuez eta koreografiez osatutako generoa dugu musikala, adin guztietara zuzendua betiere, txiki zein nagusiek berdin goza dezaten ikuskizunaz. Pelikula mota honetan, argumentua eta pertsonaiak,bigarren mailakoak dira, benetazko garrantzia musikak, dantzak, kantuak... hartzen dutelarik. Genero hau 1929.urtean sortu zen Broadway-n eta izugarrizko harrera ona lortu zuen ikusleen artean. Arrakasta horren ardatza zalantzarik gabe filma musikaz jostea izan zen, honek bizitasun berezi bat eman baitzion ordurarteko filmen tankera klasikoari. Guztiok dugu gogoan txikitako une zoragarriak gogorarazten digun musikalen bat edo beste, ondoren genero honetako filme arrakastasuenetariko batzuk aurkezten zaizkizue.

Sonrisas y lagrimas
1965.urtean estreinatutako filmea dugu, bertan Maria izeneko erlijiosa bat, alargun baten seme alaben kargu bidaltzen dute au-pair gisa, haurren zaintzan hilabete batzuk igaro ondoren, komentua behin betiko utzi behar duela konturatzen da, Von kapitain alargunarekin maitemintzen baita.

El Mago de oz
1939.urtean berebiziko garrantzia hartu zuen filma, Kansas herrian bizi den Dorothy izeneko neskatil baten istorioa du kontagai, honek fantaziazko mundu batetara bidaiatzen duela amets egiten du, bertan fikziozko hainbat pertsonai ezagutu ondoren konturatzen da errealitatera itzultzeko bide bakarra Oz hiriko aztiarengana jotzea dela.

Singin' in the rain
1952.urtean filmea, Cathy Seldom aktoresagaia ezagutu aurretik, zine gormutua miresten zuen Don Lockwood-ek, ospea eta arrakasta izanik, bizitzan guztia zuela uste zuen. Seldom ezagutu ondoren ordea, ikuspuntua aldatu zuen, orduan konturatu baitzen bizitzan falta zitzaion gauzarik garrantzitsuena emakume hura zela.

Cabaret
1969.urtean estreinatu zen Broadwayn. Liza Minnelli da protagonista, eta Sally Bowles Berlingo Kit Kat Clubeko kabaret-dantzariaren papera egiten du. Zinemako aktore famatu izatea du xede, eta, horretarako, egunero aritzen da lanean. Berehala, Brian Roberts idazle ingelesa agertuko da Sallyren bizitzan, eta harreman berezia bizi izango dute.

My fair lady
Fonetika irakasle famatu batek, lore-saltzaile lotsagabe bat ezagutu ondoren, lagun batekin postura egiten du emakume hura, gizalegetsu eta liluragarri bihurtzeko gai izango dela. 1964.urtean estreinatutako filma dugu eta Audrey Hepburn aktoresa dotorea agertzen zaigu protagonista gisa.

Mary Poppins
1964.urtean estreinatu zen. Jane eta Michael izeneko bi anai-arreba bihurrien okerkeriak kontatzen ditu, hauen gurasoak, bata bankaria eta bestea sindikalista, oso lanpetuta dabiltza haurren zaintza lanetan aritzeko eta umezain bila hasten dira. Milaka elkarrizketa egin ondoren, Mary Poppins izeneko au-pair bitxia kontratatzea erabakitzen dute.

West Side Story
1961.urtean izan zuen estreinaldia. New York hiriko West Side auzoan, gazte talde bi, Sharks deiturikoak alde batetik eta Jet izena hartzen dutenak beste batetik, tirabiran dabiltza inguruko nagusitasuna batak edo besteak lortuko.

Zitak

2006-10-17T21:57:00.000+02:00

Pelikula askotan dago (guztietan ez bada) ikuslegoaren memorian gelditzen den esaldiren bat. Horrela gogoratzen ditugu filmeko eszenarik honenak, aktoreek esan dituzten hitz magikoen bitartez. Hona hemen famatu batzuk, ea baten bat gogoratzen duzuen...

Bienvenido, Mr Marshall
- "Os debo una explicación, y como alcalde vuestro que soy os la voy a dar porque os la debo". (José Isbert)

Braveheart
- “Podrán quitarnos la vida, pero jamás nos quitarán... ¡¡¡ la libertad !!!". (Mel Gibson)

Amelie
- “La vida no es más que un interminable ensayo de una obra que jamás se estrenará”. (Artus de Penguern)

Ciudadano Kane
- "La vejez es la única enfermedad de la que uno ya no espera jamás curarse". (Everett Sloane)
- "Si no hubiera sido tan rico, habría sido un buen hombre".(Orson Welles)

Casablanca
- "Siempre nos quedará París". (Humphrey Bogard)
- "Louis, este es el comienzo de una gran amistad". (Humphrey Bogard)
- "De todos los cafés del mundo, tuvo que elegir el mío". (Humphrey Bogard)
- "El mundo se derrumba y nosotros nos enamoramos". (Ingrid Bergman)
- "Si tuviese tiempo de pensar en ti... posiblemente te despreciaría". (Humphrey Bogard)

El Sexto Sentido
- “En ocasiones veo muertos”. (Haley Joel Osment)

El Show de Truman
- "Buenos días... y por si no volvemos a vernos: benos días, buenas tardes y buenas noches". (Jim Carrey)

El Padrino
- “Voy a hacerle una oferta que no podrá rechazar”. (Al Pacino)
- "Siempre me he negado a ser un muñeco movido por los hilos de los poderosos". (Marlon Brando)

El Diario de Bridget Jones
- "Aquí Bridget Jones, diosa del sexo salvaje y con un hombre muy malo entre las piernas... ah... mama". (Renée Zellweger)

Forrest Gump
- "La vida es como una caja de bombones: nunca sabes qué te va a tocar". (Tom Hanks)
- "Tonto es el que hace tonterías". (Tom Hanks)

Eternal Sunshine of the Spotless Mind
- "Hablar costantemente no implica que nos estemos comunicando". (Jim Carrey)

Notting Hill
- "La felicidad no es completa sin una cabra tocando el violín". (Julia Roberts)

Moulin Rouge
- "Lo mas grande que te puede ocurrir es que ames, y seas correspondido". (Ewan McGregor)

Mar Adentro
- "Mar adentro, mar adentro. Y en la ingravidez del fondo, donde se cumplen los sueños. Se unen tantas voluntades para cumplir un deseo. Un beso enciende la vida con un relámpago y un trueno. Y en una metamorfosis mi cuerpo no es ya mi cuerpo. Es como penetrar al centro del universo. El abrazo más pueril y el más puro de los besos, hasta vernos reducidos en un único deseo. Tu mirada y mi mirada como un eco repitiendo sin palabras: más adentro, más adentro. Hasta el más allá del todo por la sangre y por los huesos. Pero me despierto siempre y siempre quiero estar muerto. Para seguir con mi boca enredada en tus cabellos". (Javier Bardem)

Lost in Translation
- "Estoy perdida, ¿eso tiene arreglo?". (Scarlett Johansson)

Lo que el viento se llevó
- "Francamente querida, me importa un bledo". (Clark Gable)
- "Al fin y al cabo, mañana será otro día". (Vivien Leigh)

La Vida es Bella
- "¡Buenos días princesa!" (Roberto Benigni)

Las Horas
- "Alguien tiene que morir para que todas las demás personas verdaderamente apreciemos el significado de la vida". (Nicole Kidman)

Leaving Las Vegas
- "Si quieres que te diga la verdad...no sé si mi mujer me dejó porque bebía, o bebo porque mi mujer me dejó". (Nicolas Cage)

Mi Vida Sin Mi
- "Rezas para que esta sea tu vida sin ti. Rezas para que las niñas quieran a esta mujer que se llama como tu y para que tu marido acabe por quererla. Para que vivan en la casa de al lado y las niñas usen el remolque para jugar a las muñecas y apenas recuerden a su madre que dormía de día y las llevaba de viaje en canoa. Rezas para que tengan momentos de felicidad tan intensos que cualquier pena parezca pequeña a su lado. Rezas a no sabes que ni a quien, pero rezas, y no sientes nostalgia por la vida que no tendrás, porque para entonces habrás muerto, y los muertos no sienten nada, ni siquiera nostalgia". (Sarah Polley)

Nine Lives

2006-10-15T13:49:00.000+02:00

Estatu Batuak zine komertzialaren meka moduan ezagutzen ditugu. Baina noizbehinka, haize bolada iragankorrekin batera merezi duen filmaren bat heltzen zaigu bertatik. Ameriketan ere zine independentea egiteko gai direnaren erakusgarri dugu Nine Lives.

Rodrigo Garciak (Gabriel Garcia Marquez idazlearen semea) gidoilari eta zuzendari lanak egiten ditu istorio laburrez osatutako metraje luzeko film honetan. Erronka, 10-14 minutu bitarteko bederatzi sekuentzia jarrai grabatzea zen. Filmaziorako hiru asteko epea izanik, talde teknikoa eta aktoreen bikaintasuna derrigorrezko baldintza zen. Toma jarraituen ideia interesgarria izan zen aktore-multzoarentzako. Horrek berebiziko ezaugarria txertatzen dio filmeari, izan ere antzezpen jarrai eta erreal bat eskaintzen du.

Bederatzi emakumeren bizitzako atal labur baina esanguratsu bat kontatzen da. Arrazoi ezberdinengatik ezin aurrera ez atzera, atsekabean ainguratuta bizi diren emakumeen istorioak dira; Sandra kartzelan dago eta bere alabarekin harremana izaten jarraitu nahi du, Dianak iraganeko maitasun baten oroitzapenei aurre egin behar die, Hollyk ugazaitak egindako mina aitortzea nahi du, Soniak ezin du jasan bere mutil-lagunak sekretu bat kontatzea lagun artean, Samantha bere gurasoen arteko lotura bakarra da, Lorna bere senar ohia indarberritzen saiatzen da haren emaztearen heriotzaren ondoren, Ruthek ezkontza bizitza albo batera uztea erabakitzen du motel baten dagoela, Camillek bere gorputzak dituen mugei aurre egin behar die eta Maggiek bere alaba aurrejartzen du beti. Egunerokotasunean aurki daitezkeen egoerak steadycam batez harrapaturik ageri dira.

Urtarrilaren 19an estreinatu zen Sundance-en, ordutik zinema jaialdi ugaritara joan da gonbidatu bezala. Nine lives ikuskatze publikoarekin eta honek dakarren ondorengo elkarrizketarekin mesedetzen da. Aurpegiratu dakiokeen bakarra, zenbait istoriok (Robin Wright Penn-ek supermerkatuan protagonizatzen duena adibidez) besteen bikaintasuna gutxitzea izan daiteke.

2006-10-12T14:03:00.000+02:00

Almodovarren "Volver" Oskarretarako hautatua

Espainiako Zinearen eta Artearen Akademiak, Pedro Almodovarren “Volver” filma hautatu du Oscar sarietan lehiatzeko. Hautaketan, “Alatriste” ( Agustín Diaz Yanes) eta “Salvador” ( Manuel Huerga) bezalako aurkari gogorrak izan baditu ere, Mantxako zuzendariak atzerriko film onenaren kategorian lehiatzeko txartela lortu du. Almodovarren 16.lana dugu “Volver”,film honekin emakumeen mundura eta komediara itzuli nahi izan du zuzendariak. Bestalde,17 urte igaro ondoren, Carmen Maura izan du aktoreen zerrendan, Penélope Cruz, , Lola Dueñas, Yohana Cobo eta Blanca Portilloz gain.
Honetaz gain, Almodovarrek bere hirugarren Oskar saria eskura dezake, “Hable con ella” ( 2002) eta “Todo sobre mi madre” (1999) lanekin ere saritua izan baitzen.
Aurtengo Oskar sarien banaketa, otsailaren 25ean izango da, hilabete batzuk itxaron beharko dira beraz, Almodovarren filmak saririk eramango ote duen jakiteko.

Urriaren 11ko estreinaldiak

2006-10-11T16:28:00.000+02:00

Izenburua: Tu, yo y ahora... Dupree
Generoa: Komedia
Nazionalitatea: AEB
Urtea: 2006
Zuzendaria: Joe eta Anthony Russo

Izenburua: The guardian
Generoa: Akzioa
Nazionalitatea: AEB
Urtea: 2006
Zuzendaria: Andrew Davis

Izenburua: El laberinto del fauno
Generoa: Fantastikoa
Nazionalitatea: Espainia, Mexiko eta AEB
Urtea: 2006
Zuzendaria: Guillermo del Toro

Izenburua: Storm
Generoa: Zientzia fikzioa
Nazionalitatea: Suedia
Urtea: 2006
Zuzendaria: Mans Marlin eta Björn Stein

2006-10-10T15:37:00.000+02:00

8½ : Otto e mezzo

Guztien iguripenak erkatu behar duen (produktoreak, kazetariak, lagunak...) artista baten krisi kreatiboa da filme honen argumentua edo mamia. Baita bizitzaren karga jasan ahal izateko oroitzapen eta ametsei eusten den gizon baten existentzia krisiaren kontaketa. Izate arazo honi konponbide original eta ustekabekoa aurkitzen dio Fellini-k filmaren amaneran, zuzendariaren sortze jenialtasunaren fruitua dudarik gabe.

Nahiko autobiografikoa dugu 8 ½ (Otto e mezzo) pelikula, zuen tentuaren arabera baieztatzen ala ezeztatzen zuen adierazpena zen hau. Filme honek bere karrerako zortzi t’erdigarrena suposatzen zuen, zazpi zituen eginak honen aurretik eta baita erdia, filme erditzat baitzuen Boccaccio ’70 lan kolektiborako egin zuen pasartea. Filme honek arrakazta izugarria lortu zuen nazioartean eta atzerriko filme hobeenaren Oscar saria irabazi zuen 1963an

Gaiz aldatuz, baina beti ere zinemaren munduan, Fellini-ren pelikularen izen bera daraman denda bat dago Madrilen. Plaza de España-tik hurbil aurkitzen da, Renoir zine famatuen aurrez aurre. Bertan zineari buruzko edozein liburu aurki daiteke: giolaritza, makilaje, argiztapen, aktore… eta abar luze bati buruzko informazioa dutenak. Giro intelektual eta neobohemioa arnastu daiteke ehundaka ala milaka liburu eta foko zahar, erabilitako zine kamera eta antzinako kartelen artean. Dj-ren bat ere bertan izaten da musika mota oro jartzen. Guztiak aparteko mundu magiko baten sentiaraztea egiten du, filmeetan bezala.

Urriaren 6ko estreinaldiak

2006-10-06T13:58:00.000+02:00

Izenburua: Cabeza de perro
Generoa: Drama
Nazionalitatea: Espainia
Urtea: 2006
Zuzendaria: Santi Amodeo

Izenburua: Crank
Generoa: Akzioa
Nazionalitatea: AEB
Urtea: 2006
Zuzendaria: Mark Neveldine eta Brian Taylor

Izenburua: El diablo se viste de Prada
Generoa: Komedia
Nazionalitatea: AEB
Urtea: 2006
Zuzendaria: David Frankel

Izenburua: El principe de los ladrones
Generoa: Abentura
Nazionalitatea: Alemania
Urtea: 2006
Zuzendaria: Richard Claus

Izenburua: Las particulas elementales
Generoa: Drama
Nazionalitatea: Alemania
Urtea: 2006
Zuzendaria: Oskar Roehler

Izenburua: Llamando a las puertas del cielo
Generoa: Drama
Nazionalitatea: AEB
Urtea: 2005
Zuzendaria: Wim Wenders

Izenburua: Los Borgia
Generoa: Drama historikoa
Nazionalitatea: Espainia
Urtea: 2006
Zuzendaria: Antonio Hernandez

Izenburua: Serpientes en el avion
Generoa: Thrillerra
Nazionalitatea: AEB
Urtea: 2006
Zuzendaria: David R.Ellis

Izenburua: The Devil and Daniel Johnston
Generoa: Dokumentala
Nazionalitatea: AEB
Urtea: 2005
Zuzendaria: Jeff Feuerzeig

1, 2, 3...ACTION!

2006-10-04T14:16:00.000+02:00

Kazetaritza ikasketak burutzen ari garen Busturialdeko hiru gazte gara; Matxalen, Ugutz eta Ane. Zinea izango dugu mintzagai eta progresiboki elikatuko dugu orrialdea gaiari dagozkion azken berriak jakinaraziz.

Zineari buruzko blog honen sorrera ez da halabeharrez gertatu. Geroz eta hedatuago dagoen euskal blogosferak euskara hutsean eta gai oso zehatzei buruz jarduteko aukera eskaintzen du. Orain dela gutxi arte sinestezina zirudien ametsa egi bihurtu dela dirudi. Egun, euskaldunok gure hizkuntzan idazteko eta publikatzeko inoiz baino erraztasun gehiago dugu interneta eta honen zerbitzuei esker. Are gehiago, interneta euskarak espezializaziorako zeukan beharrizana asetzeko sortutako tresna dela uste dugu. Horregatik, zentsura gabe publiko zabal bati zuzentzeko aukera hau onartu dugu eta horren emaitza da 35mm.

Beraz, gaur estreinatzen den zineblog hau zuen gustukoa izatea espero dugu eta edozein proposamen entzuteko prest gaudela jakinarazten dizuegu. Ongi etorri!